RICUNUSCENZA

 

 

 

Stanotte ‘a dint” o lietto cu ‘nu strillo

aggio miso arrevuoto tutt’ acasa, mme

so’ mmiso a zumpà come a n’arillo…

E nun me faccio ancora persuaso

 

Ma comme,dico io po’ cu’ tanta suonne,

i’ mme so’ ghiuto a ffa’ ‘o cchiù malamente:

sti suonne songo suonne ca te pònno

fa’ rummane’ stecchito comme a niente

I steve allerta ‘ncoppa a ‘na muntagna.

Tutt’a ‘nu tratto sento ‘nu lamiento.

Opizze addo’stev’i era sulagno..

ducette ncapo a me:E chisto è ‘o viento!

 

Piglio e mme mengo pe’ ‘nu canalone

e veco sott’a n’ albero piangente

‘nu fuosso chino ‘e prete a cuppulone……

e sotto a tutto steve’nu serpente.

 

-Aiuto! Aiuto!-‘O povero animale

se mettette ‘alluccà cu tutt’ ‘o sciato!

appena mme vedette:-Menu male!…

Salvatemi! i’ mo moro asfessiato!-

 

-E chi t’ha cumbinato’ e sta manera?-

Ii’ addimannaje mentr’ ‘o libberavo.

-E stato ‘nu signore aieressera-

mme rispunnette e ggià se ripigliava.

-Si nun era pe’ vuje’, i’ ccà murevo

faciteve abbraccià, mio salvatore!-

Mme s’arravoglia attuorno e s’astrigneva

ca n’atu ppoco mme schiattava ‘o core.

Lasseme!- Lle dicette-‘O vvì ca ì moro?

E chianu chanu mme mancava ‘a forza,

‘o core mme sbatteva….ll’ uocchie a fore,

mentre ‘o serpente chiù strigneva’ a morza!

 

–Chisto e ‘o ringraziamento ca mme faje?

Chesta è ‘a ricunescenza ca tu puorte?

A chi t’ha fatto bbene chesto faje?

..Ca sì cuntento quanno ‘o vide muorto!

 

Amico mio, serpentei’ songo nato!….

Chi nasce serpeè nfamo e senza core!…

Perciò t’aggia mangià! Ma t’he’ scurdato

call’ommo, spisso, fa cchiù peggio ancora?!

 

ANTONIO DE CURTIS